140 წლის შემდეგ Sagrada Familia დასასრულს უახლოვდება

ანტონი გაუდის ცნობილი, მაგრამ დაუსრულებელი ღირსშესანიშნაობა Sagrada Familia დასასრულს უახლოვდება. გასული კვირის მონაცემებით 6 ცენტრალური კოშკიდან ხუთი სრულად აშენდა. მიმდინარე წლის იანვრიდან  სრულად დასრულდა ლუკასა და მარკოზ მახარობლების კოშკები, ასევე მათესა და იოანესადმი მიძღვნილი კოშკები და დამატებით კოშკი, რომელიც მოქანდაკე ხავიერ მედინა-კამპინის ქანდაკებებით დასრულდა, რაც  იმას  ნიშნავს, რომ ღირსშესანიშნაობის მშენებლობა დასრულებულად ითვლება. Temple Builders Junta Expiatori de la Sagrada Família-მ, ფონდმა, რომელიც მშენებლობას მეთვალყურეობს, გახსნის დღედ 12 ნოემბერი დაასახელა.

 

დიზაინი მოიცავს 18 ღერძულ კოშკს, თითოეული მათგანი კი ეძღვნება სხვადასხვა ბიბლიურ ფიგურას: 12 მოციქულს, ოთხ მახარობელს, ღვთისმშობელს და მაცხოვარს. ამათგან ღვთისმშობლის კოშკის მშენებლობა 2022  წლის დეკემბერში  დასრულდა. ხოლო ქრისტესადმი მიძღვნილი, ბოლო კოშკის დასრულება 2026 წელს იგეგმება. თითოეული კოშკის სიმაღლე 135 მეტრია და ღირსშესანიშნაობის დასრულების შემდეგ ის მსოფლიოში  სიმაღლით მესამე კოშკი იქნება.

ამბიციური Sagrada Familia პროექტი მოდერნიზმს, არტ ნუვოს და გოთიკურ ელემენტებს აერთიანებს. ღირსშესანიშნაობა 140 წელზე მეტია შენდება, თუმცა ამის მიუხედავად ვიზიტორებს მაინც იზიდავს. შენობის პირველმა დასრულებულმა ნაწილმა, შობის ფასადმა  ბარსელონაში 6 სხვა  შენობასთან ერთად იუნესკოს  მსოფლიო მემკვდრეობის  სტატუსი მიიღო.

Sagrada Familia-ს მშენებლობა საკამათო იყო და დიდი ხნის მანძილზე ფერხდებოდა, გამომდინარე იქიდან რომ  გაუდის  ზოგიერთი  ნახატი  მისი  გარდაცვალების  შემდეგ დაკარგა.

შენობის დაუსრულებელმა მდგომარეობამ შემატა მის მუდმივ მიმზიდველობა, რადგან ბარსელონაში Sagrada Familia წარმოადგენს მსოფლიოში ერთ-ერთ ყველაზე ცნობილ დაუმთავრებელ შენობას.


Commersant