იპოვეთ თქვენი ბინა

საქართველოს ბანკი, როგორც ძლიერი კერძო ფინანსური ინსტიტუტი, სამშენებლო პროექტების მხარდაჭერას აქტიურად განაგრძობს. ბანკთან თანამშრომლობით “ლისი თაუერსი” მულტიფუნქციური საცხოვრებელი კომპლექსის სამშენებლო პროექტ - „ლისი ტრიოს“ , ლისის ტბის მიმდებარედ, ამაშუკელის ქ. #5 - ში ახორციელებს. პროექტის ჯამური ღირებულება 35 მილიონ აშშ დოლარს შეადგენს. ბანკის მიერ განხორციელებული ინვესტიცია კი 24.5 მილიონი აშშ დოლარია.

საცხოვრებელი კომპლექსი 60 000 კვადრატულ მეტრზე გაშენდება. ის სამ, თხუთმეტსართულიან კორპუსს გააერთიანებს. პროექტის ფარგლებში, ჯამში, 60 განსხვავებული ტიპის, 300 ბინა აშენდება.

კომპანია 2017 წლიდან მომხმარებლებს თანამედროვე სტანდარტების მიხედვით შექმნილ, ჰარმონიულ, ჯანსაღ და უსაფრთხო დეველოპერულ პროექტებს სთავაზობს. აღნიშნული პროექტი კი მულტიფუნქციური კომპლექსის მშენებლობას გულისხმობს, რომელიც სამუშაო სივრცეებს, აუზს, სამი სახეობის სპას, ბავშვებისთვის ღია და დახურულ ზონებს, კერძო საბავშვო ბაღს, საპარკინგე სივრცესა და რეკრეაციული ზონის მოწყობას ითვალისწინებს. პროექტზე მუშაობა 2023 წელს დაიწყო და 2027 წელს დასრულდება. ლისი ტრიოს გუნდი პარალელურად რამდენიმე სამშენებლო პროექტს ახორციელებს, მათ შორისაა ნუცუბიძის ქუჩასა და მოსკოვის გამზირზე „თბილისი ისტ საიდის“ საცხოვრებელი კომპლექსის მშენებლობა. კომპანია სამომავლოდ რეგიონების ურბანულ განვითარებას ისახავს მიზნად“ - განაცხადა მარიამ ხუციშვილმა, ლისი თაუერსის მარკეტინგის სამსახურის ხელმძღვანელმა.

„საქართველოს ბანკი სამშენებლო და დეველოპერული ბიზნესის მხარდაჭერას განაგრძობს, რადგან მიგვაჩნია, რომ აღნიშნული სექტორის განვითარება ქვეყნის ეკონომიკას მნიშვნელოვნად გააძლიერებს. წლების განმავლობაში ჩვენ არაერთი პროექტის მხარდამჭერები ვყოფილვართ. აღნიშნული პარტნიორობის ფარგლებში თბილისში, ლისის ტბის მიმდებარე ტერიტორიაზე, მულტიფუნქციური პროექტი - „ლისი ტრიო“ ხორციელდება. კომპანია სამომავლოდ მასშტაბური გეგმები აქვს და მოხარულები ვართ, რომ გვაქვს შესაძლებლობა, მხარი დავუჭიროთ მათ. ჩვენ აქ არ ვჩერდებით და აქტიურ რეჟიმში ვაგრძელებთ ბიზნესის გაძლიერებისკენ მიმართული ინიციატივების მხარდაჭერას.“ - აღნიშნა გიორგი სახვაძემ საქართველოს ბანკის კორპორაციული კლიენტების მომსახურების სექტორის უფროსმა.

2023 წლის აგვისტოში მშენებლობის ღირებულების ინდექსი წინა თვესთან შედარებით 1 პროცენტით გაიზარდა. ამის შესახებ ინფორმაციას სტატისტიკის ეროვნული სამსახური ავრცელებს.

მათივე ცნობით, აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 1.6 პროცენტიანი ზრდით, რამაც 0.6 პროცენტული პუნქტი შეიტანა ჯამური ინდექსის ცვლილებაში.

2022 წლის თებერვალთან შედარებით მშენებლობის ღირებულების ინდექსი გაიზარდა 10.9 პროცენტით. ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 28.1 პროცენტიანი ზრდით და სამშენებლო მასალების 6.2 პროცენტიანი გაძვირებით, რამაც, შესაბამისად, 6.45 და 3.46 პროცენტული პუნქტი შეიტანა ჯამური ინდექსის ცვლილებაში.

ყველას, ვინც გარკვეულ ქონებას ფლობს, შესაძლოა, ქონების გადასახადის გადახდა მოუწიოს. ამასთან, 2024 წლიდან ფიზიკური პირებისთვის უძრავი ქონების გაყიდვისას, გარკვეულ შემთხვევებში, გადასახადის გადახდის დრო დაჩქარდება.

„თბილისი-ბათუმის მიმართულებით მგზავრობას 3.5 სთ დასჭირდება, ხოლო წითელი ხიდიდან სარფის საზღვრამდე 4-4.5 სთ იქნება საჭირო,“ - ამის შესახებ აღნიშნულია 2024 წლის სახელმწიფო ბიუჯეტის პროექტში თანდართულ დოკუმენტში.

როგორც მთავრობის მიერ 2024-2027 წლებისათვის განსაზღვრულ ქვეყნის ძირითადი მონაცემებისა და მიმართულებების დოკუმენტში ვკითხულობთ, საქართველოს, როგორც რეგიონალური ჰაბის, პოტენციალის ათვისებისთვის კრიტიკულად მნიშვნელოვანია საერთაშორისო და სახელმწიფო მნიშვნელობის გზებისა და საკვანძო ინფრასტრუქტურის განვითარება.

უფრო კონკრეტულად, 2024 წლამდე:

დამატებით აშენდება 200 კილომეტრამდე ავტობანი, 200-მდე ხიდი და 70-მდე გვირაბი. შედეგად, თბილისი-ბათუმის მიმართულებით მგზავრობას დაახლოებით 3.5 საათი დასჭირდება, ხოლო მგზავრობის დრო წითელი ხიდიდან სარფის საზღვრამდე ნაცვლად 8 საათისა, გახდება 4-4.5 საათი.

აღმოსავლეთ-დასავლეთის მაგისტრალზე დასრულდება რიკოთის, სამტრედია-გრიგოლეთის, გრიგოლეთი-ჩოლოქის, ბათუმის შემოვლითი გზის მონაკვეთების მშენებლობა.

გაგრძელდება ყველა სასაზღვრო-გამშვები პუნქტის მიმართულებით საერთაშორისო მნიშვნელობის ავტომაგისტრალების მშენებლობის პროექტები, მათ შორის, 2024 წლისთვის დასრულდება ქვეშეთი-კობის 23 კმ-იანი მონაკვეთის, მათ შორის, 9 კმ-იანი გვირაბის მშენებლობა, დაიწყება ნატახტარი-ჟინვალის 27 კმ-იანი ჩქაროსნული გზა. დაიწყება ავტომაგისტრალების მშენებლობა ბათუმი-სარფის, თბილისი-სადახლოსა და თბილისი-წითელი ხიდის მიმართულებებით.

გაგრძელდება ჩქაროსნული მაგისტრალების მშენებლობა კახეთის მიმართულებით, მათ შორის, დასრულდება გურჯაანის შემოვლითი გზის 15 კმ-იანი მონაკვეთისა და თბილისი-საგარეჯოს 35 კმ-იანი ჩქაროსნული მაგისტრალების მშენებლობა.

დასრულდება ბაღდათი-აბასთუმნის, საჩხერე-ონის, თბილისი-შატილის, ბათუმი-ახალციხისა და სხვა მნიშვნელოვანი შიდასახელმწიფოებრივი მნიშვნელობის გზის მონაკვეთების მშენებლობა.

განხორციელდება 1 500 კილომეტრამდე საერთაშორისო და შიდასახელმწიფოებრივი გზის რეაბილიტაცია და 200-მდე სახიდე გადასასვლელის მშენებლობა-რეაბილიტაცია.

ამასთან, დოკუმენტში აღნიშნულია, რომ მომდევნო 4 წლის განმავლობაში (2024-2027 წლებში), ქვეყნის ინფრასტრუქტურის განვითარებაში 20 მილიარდამდე ლარის ინვესტირება განხორციელდება.

ქობულეთის მერიამ  სანაპირო ზოლზე, ზღვისპირა პარკის მოსაწყობად ტენდერი გამოაცხადა. წინადადებების მიღება 26 ოქტომბერს დაიწყება და 31 ოქტომბერს დასრულდება, შესყიდვის სავარაუდო ღირებულება 10 959 000 ლარია.

 

სატენდერო დოკუმენტაციის მიხედვით, საპროექტო ტერიტორია მდებარეობს ქობულეთის სანაპირო ზოლში, მოიცავს დაახლოებით 47193 კვ.მ და 1400 მეტრის სიგრძის არეალს. არსებულ ტერიტორიაზე გადის მეორე ხარისხოვანი ქუჩა და მას აქვს ცენტრალურ ქუჩაზე რამდენიმე გასასვლელი, როგორც საფეხმავლო, ასევე სამანქანო გზა. პროექტით გათვალისწინებულია ტერიტორიის სრულად ათვისება, ახალი სამანქანო და საფეხმავლო გზისა და ბილიკის მოწყობა.

სამუშაოები 9 ეტაპად უნდა განხორციელდეს. მათ შორისაა რკინა-ბეტონის საყრდენი კედლის მოწყობა;  არსებული ბორდიურების, განათებების, ბეტონის ფილების დემონტაჟი; გარე ელექტრო ქსელის მონტაჟი, გარე წყალსადენისა და კანალიზაციის ქსელის მოწყობა; ინვენტარის და დანადგარების შეძენა და მონტაჟი (მათ შორის იგეგმება 56 სკამის, 59 ურნის, 20 ბოძკინტის, 4 ველოსადგომის, 183 ხის ბილიკის, 8 სასმელი წყლის ბიუვეტის მონტაჟი), ასევე ზღვისპირა პარკში იქნება საბავშვო ატრაქციონებიც.

როგორც სატენდერო დოკუმენტაციიდან ჩანს, ადგილზე იგეგმება როგორც სურათის გადასაღები ჩარჩოების, ასევე საქორწინო ცერემონიალისთვის განკუთვნილი ადგილის მოწყობა, რადგან მცირე არქიტექტურულ დეტალებში გათვალისწინებულია საქორწინო ბეჭდების ფორმის დეტალებიც.

სამუშაოების შესრულების ვადაა ხელშეკრულების დადების მომდევნო დღიდან 510 (ხუთას ათი) კალენდარული დღე. შესრულებული სამუშაოების საგარანტიო ვადა შეადგენს 5 წელს;

პრეტენდენტს 2020 წლის 01 იანვრიდან წინამდებარე ტენდერის გამოცხადების დღემდე პერიოდში შესრულებული უნდა ჰქონდეს ანალოგიური ხასიათის, სირთულისა და შინაარსის, კერძოდ არანაკლებ 20 000 000 (ოცი მილიონი) ლარის ღირებულების პარკის ან/და სკვერის ან/და ბულვარის ან/და მოსასვენებელი სივრცის კეთილმოწყობის სამუშაოები.

"ქოლიერსის" კვლევის მიხედვით  2023 წლის მარტში, ბათუმში საცხოვრებელი ბინების ტრანზაქციების რაოდენობა გასული წლის მარტთან შედარებით 16%-ით, 1 399 ერთეულამდე გაიზარდა, ბაზრის ზომა კი 32%-ით გაიზარდა და 63 მილიონი აშშ დოლარი შეადგინა. 

მონაცემების მიხედვით 2023 წლის მარტში, ახალაშენებული ბინების ტრანზაქციების რაოდენობა 17%-ით გაიზარდა, ძველი ბინების შემთხვევაში კი ეს მაჩვენებელი 12%-ზეა.

„ბათუმში 2023 წლის მარტში, მოთხოვნა ახალაშენებულ პრემიუმ სეგმენტის ბინებზე, მნიშვნელოვნად, 101%-ით გაიზარდა. მედიუმ სეგმენტში ტრანზაქციების რაოდენობის 5%-იანი ზრდა დაფიქსირდა, ხოლო ეკონომ სექტორში მაჩვენებელი დაახლოებით იგივე დარჩა.

ბათუმში 2023 წლის მარტში, ახალაშენებული ბინების საშუალო შეწონილი ფასი 20%-ით გაიზარდა და კვ.მ-ზე 909 აშშ დოლარი შეადგინა. ძველი ბინების შემთხვევაში კი მაჩვენებელი 12%-ით, 702 აშშ დოლარამდე გაიზარდა,“- აღნიშნულია „ქოლიერსის“ კვლევაში.

ბათუმში 2023 წლის მაისში ახალაშენებული ბინების საშუალო შეწონილი ფასი 15%-ით გაიზარდა და კვ.მ-ზე 926 აშშ დოლარი შეადგინა. ძველი ბინების შემთხვევაში კი მაჩვენებელი 12%-ით, 732 აშშ დოლარამდე გაიზარდა. ინფორმაციას recover.ge აქვეყნებს. 

ბათუმში 2023 წლის მაისში მოთხოვნა ახალაშენებულ პრემიუმ სეგმენტის ბინებზე 25%-ით გაიზარდა, ეკონომ და მედიუმ სეგმენტებში კი ტრანზაქციების რაოდენობის 21% და 15%-იანი კლება დაფიქსირდა.

ბათუმში 2023 წლის მაისში ახალაშენებული ბინების ტრანზაქციების რაოდენობა 10%-ით შემცირდა, ძველი ბინების შემთხვევაში კი 7%-იანი კლება დაფიქსირდა.

2023 წლის მაისში ბათუმში საცხოვრებელი ბინების ტრანზაქციების რაოდენობა გასული წლის მაისთან შედარებით 10%-ით, 1,335 ერთეულამდე შემცირდა, ბაზრის ზომა კი 1%-ით 62 მილიონ აშშ დოლარამდე არის გაზრდილი.

2023 წლის მაისში უძრავი ქონების გასაყიდი ფასი წლიურად 26.8%-ით გაიზარდა დოლარში და 8.2%-ით ლარში, თუმცა თვიურად არ შეცვლილა (ბინები პირველად და მეორად ბაზრებზე). ინფორმაციას Galt&Taggart აქვეყნებს.

პირველად ბაზარზე დეველოპერების საშუალო გასაყიდი ფასი თბილისში იყო 1,112 აშშ დოლარი (+27.9% წ/წ) და ტრადიციულად ყველაზე ძვირი ბინები ვაკეში და მთაწმინდაზე იყო.

თბილისის საცხოვრებელი უძრავი ქონების 2023 წლის მაისის მიმოხილვის მიხედვით, თბილისის საცხოვრებელი უძრავი ქონების ბაზრის ზომა წლიურად 16.6%-ით გაიზარდა და 243.4 მლნ აშშ დოლარი შეადგინა, რაზეც ყველაზე დიდი გავლენა პირველად ბაზარზე დეველოპერების გაყიდვებს ჰქონდა.