სიახლეები

2019 წლის გაზაფხულზე გუდაურის გადმოსახედის განვითარების მეორე ეტაპი იწყება

2019 წლის გაზაფხულზე გუდაურის გადმოსახედის განვითარების მეორე ეტაპი იწყება

2019 წლის გაზაფხულზე გუდაურის გადმოსახედის განვითარების მეორე ეტაპი იწყება და მასში სავარაუდოდ მილიონ ხუთასი ათასი ლარის ღირებულების ინვესტიცია გახორციელდება. ახალი სივრცის მოწყობითი სამუშაოები 6 თვეში დასრულდება.

 

 

ადგილზე მოეწყობა შენობა-ნაგებობა, სადაც ტურისტებსითვის სპეციალური მოსასვენებელი ადგილი განთავსდება. გარდა ამისა, აშენდება საკონფერენციო და საგამოფენო დარბაზები. იგეგმება კაფეს ტიპის კვების ობიექტის გახსნაც. მეორე ეტაპის მიხედვით გათვალისწინებული ახალი სივრცე გადმოსახედთან ახლოს განთავსდება. საპროექტო დოკუმენტაცია საქსონ მენეჯმენტმა მოამზადა. ამ ეტაპზე გადაწყვეტილი არ არის, პროექტი ყაზბეგის მერიის მიერ დაფინანსდება თუ რეგიონალური განვითარების ფონდის მეშვეობით (სრულად, ან თანამონაწილეობით). 

რატომ გადაწყვიტა სახელმწიფომ გუდაურის გადმოსახედის მეორე ეტაპის განხორციელება?





დავით ქირიკაშვილი გვპასუხობს, რომ „ახალი სივრცის მშენებლობა ადგილს ტურისტებისთვის უფრო კომფორტულს და მიმზიდველს გახდის, რადგან მათ გუდაურის გადმოსახედის ხილვა უფრო ხანგრძლივი დროით შეეძლებათ.“

 

 

შეგახსენებთ, გუდაურში ე.წ გადასახედის მონუმენტის პირველი ეტაპის რეაბილიტაცია 2018 წლის გაზაფხულზე დასრულდა. პროექტი რეგიონული განვითარებისა და ინფრასტრუქტურის სამინისტრომ განახორციელა. პროექტის ფარგლებში გაკეთდა მოძველებული მოზაიკისა და შენობის „სარტყელის“ აღდგენა, მოხდა კონსტრუქციის გამაგრება. ასევე, მონუმენტამდე მისასვლელ გზაზე ქვაფენილი დაიგო. პროექტი სახელმწიფო ბიუჯეტიდან ნახევარი მილიონი ლარით დაფინანსდა.

 

კომერსანტი